ഫിലാഡല്‍ഫിയ: മാധ്യമശുശ്രൂഷയിലൂടെ സുവിശേഷവല്‍ക്കരണത്തിനു നേതൃത്വം നല്‍കിക്കൊണ്‌ടിരിക്കുന്ന ശാലോം മീഡിയായുടെ വടക്കേ അമേരിക്കയിലെ ആദ്യത്തെ ഓഫീസിന്റെ ആശീര്‍വാദകര്‍മ്മവും, ഉദ്‌ഘാടനവും ടെക്‌സാസിലെ മക്കാലന്‍ എന്ന സ്ഥലത്ത്‌ നടന്നു. ഓഗസ്റ്റ്‌ 2 ന്‌ നടന്ന ലളിതമായ ചടങ്ങില്‍ ശാലോമിന്റെ അമേരിക്കയിലെ സ്‌പിരിച്വല്‍ ഡയറക്ടറും, ലാസലറ്റ്‌ മിഷനറി സഭാംഗവുമായ ഫാ. ടോം പുതുശേരി ഓഫീസിന്റെ വെഞ്ചരിപ്പു നിര്‍വഹിച്ചു. 

ഗാര്‍ഫീല്‍ഡ്‌: സെന്റ്‌ തോമസ്‌ സീറോ മലബാര്‍ പള്ളിയില്‍ വെച്ച്‌ വിദ്യാരംഭം മലയാളം പഠന സഹായി പ്രകാശനം ചെയ്യപ്പെട്ടു. സെന്റ്‌ മേരീസ്‌ വിമന്‍സ്‌ ഫോറം പ്രസിഡന്റ്‌ മരിയ തോട്ടുകടവില്‍ മലയാളം ട്യൂട്ടര്‍ ഇടവകാംഗങ്ങള്‍ക്ക്‌ പരിചയപ്പെടുത്തി. ചടങ്ങില്‍ പള്ളി വികാരി റവ.ഫാ. ജോയി ആലപ്പാട്ട്‌ മലയാളം ട്യൂട്ടറിന്റെ ആദ്യ കോപ്പി, മലയാളം സ്‌കൂള്‍ ടീച്ചറും, വിമന്‍സ്‌ ഫോറം പ്രസിഡന്റുമായ മരിയ തോട്ടുകടവിലിന്‌ നല്‍കിക്കൊണ്‌ട്‌ പ്രകാശനം ചെയ്‌തു. ഉദ്‌ഘാടന പ്രസംഗത്തില്‍ കുട്ടികളെ മലയാളം പഠിപ്പിക്കേണ്‌ടതിന്റെ ആവശ്യകതയെക്കുറിച്ച്‌ ഫാ. ജോയി ആലപ്പാട്ട്‌ സംസാരിച്ചു.

മലങ്കര മാര്‍ത്തോമാ സുറിയാനി സഭയുടെ പരമാധ്യഷന്‍ ജോസഫ്‌ മാര്‍ത്തോമാ മെത്രാപോലിത്ത ഇടവക സന്ദര്‍ശിക്കുകയും ഇടവക ജനത്തോടു ഒപ്പം എണ്‍പതാം പിറന്നാള്‍ ആഘോഷിച്ചു.

ന്യൂയോര്‍ക്ക്‌: കേരള ജനതയുടെ സ്വന്തം ഉത്സവമായ തിരുവോണം ആകര്‍ഷകമായ പരിപാടികളോടെ ന്യൂയോര്‍ക്കിലെ സ്റ്റാറ്റന്‍ഐലന്റിലുള്ള സെന്റ്‌ മേരീസ്‌ മലങ്കര ഓര്‍ത്തഡോക്‌സ്‌ ദേവാലയത്തില്‍ ആഘോഷിച്ചു.

ന്യൂജേഴ്‌സി: സെന്റ്‌ ജോര്‍ജ്‌ മലങ്കര സിറിയന്‍ ഓര്‍ത്തഡോക്‌സ്‌ പള്ളിയില്‍ ആണ്‌ടുതോറും നടത്തിവരുന്ന എട്ടുനോമ്പ്‌ പെരുന്നാള്‍ ആചരണം ഈവര്‍ഷവും പൂര്‍വ്വാധികം ഭംഗിയായി കൊണ്‌ടാടുന്നു. എല്ലാദിവസത്തേയും വചനഷശുശ്രൂഷകളിലും മറ്റ്‌ തിരുകര്‍മ്മങ്ങളിലും പങ്കെടുത്ത്‌ വി. ദൈവമാതാവിന്റെ മധ്യസ്ഥതയാല്‍ ധാരാളം അനുഗ്രഹങ്ങള്‍ പ്രാപിക്കാന്‍ എല്ലാ വിശ്വാസികളേയും വികാരിറവ.ഡോ. എ.പി. ജോര്‍ജ്‌, വെരി. റവ. ഡേവിഡ്‌ ചെറുതോട്ടില്‍ കോര്‍എപ്പിസ്‌കോപ്പ എന്നിവര്‍ ക്ഷണിച്ചു.