ടോപിക: അമേരിക്കന്‍ സംസ്ഥാനമായ കാന്‍സാസിന്റെ തലസ്ഥാനം ടോപിക ഇനി ഒരുമാസത്തേക്ക് അറിയപ്പെടുന്നത് ഇന്റര്‍നെറ്റ് സേര്‍ച്ച് എഞ്ചിനായ ഗൂഗിളിന്റെ പേരില്. തിങ്കളാഴ്ച സിറ്റികൗണ്‍സില്‍ യോഗത്തില്‍ മേയര്‍ ബില്‍ ബെണ്‍ടീനാണ് ഇതുസംബന്ധിച്ച പ്രഖ്യാപനം നടത്തിയത്. മാര്‍ച്ച് മാസം മുഴുവന്‍ ഗ്രാമത്തിന്റെ പേര് ഗൂഗിള്‍ എന്ന് അറിയപ്പെടുമെന്ന് പ്രഖ്യാപനത്തില്‍ പറയുന്നു.

അമേരിക്കയിലെ തിരഞ്ഞെടുത്ത ചില നഗരങ്ങളില്‍ അതിവേഗ ഇന്റര്‍നെറ്റ് ബ്രോഡ്ബാന്‍ഡ് സംവിധാനം എര്‍പ്പെടുത്തുമെന്ന് അടുത്തിടെ ഗൂഗിള്‍ അധികൃതര്‍ പ്രഖ്യാപിച്ചിരുന്നു. നിലവിലുള്ള ഇന്റര്‍നെറ്റ് സേവനത്തേക്കാള്‍ നൂറ് മടങ്ങ് വേഗതയാണ് പുതിയ സംവിധനത്തിന്. ചുരുക്കം ചില നഗരങ്ങളില്‍ മാത്രം ഏര്‍പ്പെടുത്തുന്ന സംവിധാനത്തേക്കുറിച്ച് ചര്‍ച്ച ചെയ്യാന്‍ ഗൂഗിള്‍ അധികൃതര്‍ ചില നഗരസഭകളുമായി കൂടിക്കാഴ്ച നടത്തിയിരുന്നു. ടോപിക നഗരത്തിനും സേവനം ലഭ്യമാക്കണമെന്ന ഉറച്ച തീരുമാനത്തിലാണ് നഗരസഭാ അധികൃതര്‍. ഏതായാലും ഗൂഗിള്‍ നഗരത്തെ ഗൂഗിള്‍ കമ്പനി അവഗണിക്കുകയില്ലെന്ന ശുഭാപ്തിവിശ്വാസത്തിലാണ് നഗരവാസികള്‍.

By Malayalam Report News Bureau