ഫിലാഡല്‍ഫിയ:ജിഹാദ് ജാന്‍, ഫാത്തിമ റോസ് തുടങ്ങിയ പേരില്‍ അറിയപ്പെടുന്ന ഭീകരപ്രവര്‍ത്തക കുളിന്‍ ലാ റോസിനെതിരേ വകുപ്പ് കുറ്റപത്രം തയ്യാറായി. വിദേശരാജ്യങ്ങളിലെ ഭീകരപ്രവര്‍ത്തനത്തിന് ഇന്റര്‍നെറ്റിലൂടെ ഭീകരരെ റിക്രൂട്ട് ചെയ്തുവെന്നതുള്‍പ്പെടെയുള്ള കുറ്റമാണ് അമേരിക്കന്‍ സര്‍ക്കാര്‍ ഇവര്‍ക്കെതിരേ ചുമത്തിയിരിക്കുന്നത്. വിദേശ പൗരനെ  കൊലപ്പെടുത്താന്‍ ശ്രമിച്ചതും അന്വേഷണ ഉദ്യോഗസ്ഥര്‍ക്ക് തെറ്റായ വിവരങ്ങള്‍ നല്‍കിയതും വിലാസം മറച്ചുവയ്ക്കാന്‍ ശ്രമിച്ചതുമുള്‍പ്പെടെയുള്ളവയും കുറ്റപത്രത്തിലുണ്ട്.

1963 ല്‍ ജനിച്ച, അമേരിക്കന്‍ പൗരത്വമുള്ള ഇവര്‍ക്കെതിരേയുള്ള കുറ്റം തെളിഞ്ഞാല്‍ ജീവപര്യന്തം തടവിനൊപ്പം ഒരു മില്യണ്‍ ഡോളര്‍ നഷ്ടപരിഹാരവും നല്‍കേണ്ടിവരും. 2009 ല്‍ ഫിലാഡല്‍ഫിയയിലാണ് കുളിന്‍ ലാ റോസ് അറസ്റ്റിലായത്. ലാ റോസും അഞ്ചംഗസംഘവും തെക്കന്‍ഏഷ്യയിലും യൂറോപ്പിലും ജിഹാദി പ്രവര്‍ത്തനത്തിനായി ഭീകരരെ ഇന്റര്‍നെറ്റിലൂടെ കണ്ടെത്തിയതായി അമേരിക്കന്‍ നീതിന്യായ വകുപ്പ് പ്രസ്താവനയില്‍ അറിയിച്ചു. യൂറോപ്പില്‍ എമ്പാടും സഞ്ചരിക്കാനുള്ള പാസ്‌പോര്‍ട്ടും സാമ്പത്തികശേഷിയും ഇവര്‍ക്കുണ്ടായിരുന്നു.

By Malayalam Report News Bureau