സിലിക്കണ്‍വാലി:ജി മെയില്‍ ബോക്‌സില്‍ സപ്തവര്‍ണങ്ങള്‍ നിറയുന്നു.

വിവിധ വിഭാഗങ്ങളിലുള്ള കത്തുകള്‍ വിവിധ നിറങ്ങളില്‍ സ്വീകരിക്കാനുള്ള സംവിധാനമാണ്  ജി-മെയിലില്‍ ഒരുങ്ങുന്നത്. ഗൂഗിള്‍ ജീവനക്കാരുടെ മെയിലുകളില്‍ പരീക്ഷണാടിസ്ഥാനത്തില്‍ നിറങ്ങള്‍ ഇതിനകം സ്ഥാനം പിടിച്ചുകഴിഞ്ഞു.

ഗൂഗിളിലെ എഞ്ചിനീയറായ മാര്‍ക്ക് കിണിച്ചെലിന്റെ മെയില്‍ബോക്‌സ് ഉദാഹരണം. സുഹൃത്തുക്കളില്‍ നിന്നും ലഭിക്കുന്ന സന്ദേശങ്ങള്‍ക്ക് ചുവപ്പ് നിറം, ഇളംപച്ച നിറമുള്ളവ കൂട്ടിച്ചേര്‍ക്കപ്പെട്ട (അറ്റാച്ച്ഡ്) സന്ദേശങ്ങള്‍. സ്വര്‍ണവര്‍ണത്തിലുള്ളവ കുടുംബാംഗങ്ങളില്‍ നിന്നുള്ള സന്ദേശം. ഏറ്റവുമൊടുവില്‍ ചാരനിറത്തിലുള്ളവ ബില്ലുകളും മറ്റും. ഇങ്ങനെ വര്‍ണാഭമായിക്കഴിഞ്ഞിരിക്കുകയാണ് കിണിച്ചെലിന്റെ മെയില്‍ബോക്‌സ്. ഇ മെയില്‍ സന്ദേശങ്ങള്‍ പരിശോധിക്കുമ്പോഴുള്ള സമയലാഭമാണ് നിറങ്ങളിലൂടെയുള്ള ഈ ക്രമീകരണത്തിലൂടെ ലക്ഷ്യമിടുന്നത്.ജി മെയില്‍ ബീറ്റാ സ്റ്റേജിലുള്ള അഡ്രസുകള്‍ക്കായി തയ്യാറാക്കുന്ന സംവിധാനം പരീക്ഷണാടിസ്ഥാനത്തിലാണെന്ന് ഗൂഗിള്‍ വ്യക്തമാക്കി. താമസിയാണ് ഉപഭോക്താക്കള്‍ക്ക് ഈ സേവനം ലഭ്യമാക്കും.

പുതിയ സംവിധാനത്തോടൊപ്പം പഴയ അഞ്ച് സേവനങ്ങള്‍ മെയില്‍ബോക്‌സില്‍ നിന്നും ഒഴിവാക്കാന്‍ കൂടി ഒരുങ്ങുകയാണ് ഗൂഗിള്‍. ജി-മെയില്‍ ഉപഭോക്താക്കള്‍ ഏറ്റവും കൂടുതല്‍ അവഗണിച്ച അഞ്ച് സേവനങ്ങളാണ് എന്നന്നേക്കുമായി ഡിലീറ്റ് ചെയ്യപ്പെടുന്നത്.

By Malayalam Report News Bureau